Language: عربى | हिन्दी | اُردُو | English

Kya apko
maloom hai?

Ziyabitas aishyaee nazaad amriki bashindon mein maut ki 5 ween badi wajah hai aur janoob aishyaee bashindon mein ziyabitas safed fam, haspanwi aur afreeqi nazad amriki bashindon ke muqable mein ziyaadaa hai.
Ziyabitas ki qaumi sharah 7% hai. Tehqeeq se zahir huwa hai ki taqreeban 23 fisad janoob aisyaee aur taqreeban 18 fisad arab nazad amriki bashindon mein ziyabitas ki bimari lahiq hai.

All One Community program aik family markooz ziyabitas education program hai jo shorkaa ki ziyabitas ke rok tham aur intizam se mutaliq sehatmand tareeq ikhtiyar karne mein madad karne ke liye design kiya gaya hai. Ye program Chicago mein muqeem janoob aishyaee aur arab nazad community arakeen ke liye taiyyar kiya gaya hai aur iska mawd angrezi, urdu, hindi aur arbi mein dastyaab hai.

Ye program aik tarbiyat yaaftaa community health educator ke saath 13 session pr mushtamil hoga jis mein ziyabitas aur sehatmand rawaiye mein hone wali tabdilyon ke bare mein maloomat farahm ki jayegi, sath hi aap ki sehat ko behter banana ke liye tabdilyan karne mein aap ki madad ke waste sargarmiyan aur hadaf tai karne mein madad ki jayege. Ye program kisi tarah ki ikhrajaat se paak hai aur aapko ane ahdaaf poore karne ke liye izaafi ashyaa jaise warzish ke bandz aur pani ki bottle faraham ki jayengi.

Program ke juzw ke taur pr aap ko 3 maah baad aik screening mein hissa lena lazim hoga, jahan aap ke khoon mein sugar ki satah jaanch karne ke liye aap ko khoon nikala jayega. Program ke dauran majmooee taur pr 4 dafaa khoon nikala jayega.

JOIN A1C COMMUNITY

Agar aap ko ya aap ke apnon mein se kisi to type 2 ziyabitas hai to aap all one program mein sahmil hone ke ahl hon ge! Program teen maqaamaat pr munaaqid kiye jate hain. Ziyabitas ki jaanch karwaane ya All one community program mein indraaj karne ke bare mein mazeed jaankari haasil karne ke liye, mazeed maloomat ke waste zel main mazkoor kisi bhi site se rabtaa Karen.